Пересторога зЂло потребная на потомныє часы православным христіаном, святоє католическоє восточноє церкве сыномъ, абы вЂдали, яко нЂкоторыє епископове панствъ коронных, которыє исперва завше под владзою и под послушенством святЂйшаго вселенскаго константинополскаго патріархи были, а потом не спасеніа душъ своих албо врученых себе, але для певных причин — своих дочасных пожитковъ (яко ся нижей покажет) своєго патріарха отступили и римскому папежови в послушенство ся отдали, и великоє замЂшаня в людехъ учинили. И зась пишучи книжки и друкуючи пришлого вЂку людем знати дают, якобы то они для спасенія душъ людских вчинити мЂли, ничего иного в церковъ божію не внесли, толко то що якобы исперва быти мЂло и бывало взновили. И показуют, ижбы папа рымскій старшій над всЂми патріархами быти мЂль, а потом якобы ся патріархове от него одорвати мЂли, і онъ их проклял, яко пастыр вселенскій и намЂстникъ Петра святого апостола і єпископа рымского. А потом якобы ся патріархове от него одорвати мъли, і онъ их проклял, яко пастыр вселенскій и намЂстникъ Петра святого апостола і єпископа рымского. А потом якобы на Флоренском соборЂ пред полтормасты лЂтъ, то єст по року тисячном чтыриста пятдесят девятом албо десятом, згоду з собою учинити мЂли, и митрополит кіевскій Ісидор якобы тую згоду в Руской земли утвердити мЂлъ. Што якобы на многих мЂсцах у церквах старофундованых знайдовати ся мЂло, и проч.